مقدماتی تجوید | اردو | پری حوزه

کورس کے بارے میں
اسلام کی اہم ترین کتاب کا نام قرآن ہے۔ قرآن کریم الٰہی پیغام ہونے کے ساتھ ساتھ کتاب ہدایت بھی ہے، جسے پڑھنے اور سمجھنے کی ضرورت ہے۔ جہاں قرآن کے معارف کو سیکھنے اور سمجھنے کی تاکید ہے، وہیں قرآن مجید کی قرائت کی طرف بھی بہت زیادہ توجہ دلائی گئی ہے اور حکم دیا گیا ہے کہ قرآن کریم کی تلاوت عربی لحن اور لہجہ میں کی جائے۔
ہر مسلمان کے لئے شائستہ ہے کہ وہ قرآن کی بہترین قرائت کر سکے۔ اسی لئے ضروری ہے کہ علم تجوید کی تعلیم حاصل کرے تاکہ حروف کا درست تلفظ اور کلمات کی صحیح ادائیگی سیکھ سکے۔ اس درس میں تجوید کے اصول اور قرائت کے ابتدائی فنون سکھائے جائیں گے۔ حروف کے مخارج اور صحیح تلفظ کو بیان کیا جائے گا نیز حروف کی صفات اور ان کے فرق کو بیان کیا جائے گا۔ یہ کورس کسی خاص کتاب پر مبنی نہیں ہے اور اس کے نصاب کو خود موسسہ اور استاد محترم نے ترتیب دیا ہے۔

استاد کا تعارف
عالیجناب مولانا سید جعفر رضا نقوی صاحب نے مدرسہ دارالحفاظ چنیوٹ سے قرآن کریم حفظ کیا اور تجوید و قرائت کا کورس مکمل کیا۔ پھر مدرسہ کلیۃ اہل البیت میں B.A کے ساتھ مقدمات حوزوی مکمل کیے اور جامعۃ الکوثر اسلام آباد میں لمعتین کا دورہ کیا۔ پاکستان کے مختلف شہروں میں محافل انس باقرآن کا انعقاد کیا اور بین الاقوامی مقابلوں میں شرکت کی۔ حفظ قرآن کی بنیاد پر حوزہ علمیہ قم میں داخلہ لیا اور ۱۰ سال سے حفظ و قرائت قرآن کی تدریس میں مصروف ہیں۔

کورس کے اہداف و مقاصد
صحیح و خوبصورت قرائت قرآن کریم:
تجوید کا مقصد قرآن کو صحیح اور خوبصورت طریقے سے پڑھنا سکھانا ہے، جو تجوید کے اصولوں کے مطابق ہو۔ اس میں حروف کا درست تلفظ، وقف اور ابتداء کے اصول شامل ہیں۔
سنت قرائت کی حفاظت اور احیاء:
تجوید کی تعلیم قرآن کی صحیح قرائت کی سنت کو محفوظ رکھنے اور منتقل کرنے میں مدد دیتی ہے، جو زمانۂ رسول اللہ (ص) سے ہم تک پہنچی ہے۔
ایمان کی تقویت اور معنوی تعلق:
قرآن کی صحیح قرائت قاری اور سامعین پر گہرا روحانی اثر ڈالتی ہے اور ایمان کو مضبوط کرنے میں مدد کرتی ہے۔ تجوید کی تعلیم سے فرد خالص دل اور زیادہ توجہ کے ساتھ قرآن کی تلاوت کر سکتا ہے۔
قرآنی مقابلوں کی تیاری:
تجوید کی تعلیم قاریوں کو قرآنی مقابلوں اور محافل کے لئے مکمل تیاری فراہم کرتی ہے۔
صحیح قرائت:
صارف قرآن کو صحیح عربی لحن اور لہجہ میں پڑھنے کے قابل ہو جاتا ہے۔
تجوید کے اصول:
تجوید کے اصولوں کو عملی طور پر سمجھنے اور استعمال کرنے کی صلاحیت حاصل کرتا ہے۔
قرآنی محبت:
قرآن سے محبت اور انسیت میں اضافہ ہوتا ہے۔

کورس کی فھرست
اس تجوید کورس میں صارف درج ذیل مباحث کو سیکھے گا:
حروف تہجی، حرکات ثلاثہ، حرکات ثلاثہ کی خصوصیات، تشدید، مشدد حرف کی حالتیں، حروف مدّہ کی خصوصیات، حروف مدّہ کی پہچان، حروف لین، حروف لین کا تلفظ، تنوین، تنوین پر وقف کرنا، تنوین کے احکام، حروف تہجی کے مخارج، لسان، حروف لھاتیہ اور شجریہ، حروف طرفیہ اور نطعیہ، شفتین، غنّہ، وقف کے احکام، وقف کے مزید احکام، اور قرأت نماز کی مشق۔

ضروری تعلیمی مواد (سابقہ تعلیم)
تجوید کورس کے لئے بہتر یہ ہے کہ طالب علم تجوید سیکھنے سے پہلے یا اس کے ساتھ ساتھ قرآن کی روخوانی اور روان خوانی کی تعلیم بھی حاصل کرے۔

تدریس کا طریقہ
استاد سید جعفر رضا نقوی تجوید کے اصولوں کو تفصیل اور وضاحت سے بیان کرتے ہیں۔ چونکہ استاد تجوید پر مکمل عبور رکھتے ہیں اور ماہر قاری قرآن ہیں، اس لئے وہ مثالوں اور آیات کی تلاوت کو بہترین انداز میں پیش کرتے ہیں۔ استاد نقوی ہر سبق میں آیات کی تلاوت کے ذریعے عملی نمونے فراہم کرتے ہیں، جس سے طلباء تجوید کے اصولوں کو عملی طور پر دیکھ اور سمجھ سکتے ہیں۔ ان کی تدریس کی خاصیت ہے کہ وہ تجوید کے اصولوں کو نہایت احسن طریقے سے سکھاتے ہیں۔

معاون تعلیمی وسائل
"آوڈیو، امتحان، مشق، خلاصہ اور دیگر مواد" 
اس کورس میں امتحان، عملی مشقیں، خلاصہ، اور آڈیو فایل جیسی مددگار تعلیمی وسائل فراہم ہے، تاکہ طلبہ کی بہتر فہم اور عملی تربیت ممکن ہو سکے۔

کورس کے مخاطبین
وہ افراد جو قرآن کریم کی صحیح اور خوبصورت قرائت سیکھنا چاہتے ہیں۔
وہ طلباء جو تجوید کے اصولوں اور قواعد کو سمجھنے اور عملی طور پر استعمال کرنے کے خواہشمند ہیں۔
وہ قاری جو قرآن کی تلاوت کو مزید بہتر بنانا چاہتے ہیں۔
وہ افراد جو قرآنی مقابلوں اور محافل میں شرکت کے لئے تیاری کر رہے ہیں۔
وہ لوگ جو قرآن کے ساتھ روحانی تعلق کو مضبوط کرنا چاہتے ہیں۔
وہ اساتذہ اور دینی مدارس کے طلباء جو تجوید کی تعلیمات کو سیکھ کر دوسروں کو سکھانا چاہتے ہیں۔
وہ لوگ جو قرآن کی تلاوت کو زیادہ موثر اور دلنشین بنانا چاہتے ہیں۔