کیا آپ اسلامی متون کو اصل زبان میں پڑھنے اور سمجھنے کی خواہش رکھتے ہیں؟ اسلام کے مقدس متون، چاہے وہ قرآن کریم کی شکل میں کلام اللہ ہو یا روایات کی صورت میں کلام معصومین علیہم السلام، سب عربی زبان میں ہیں۔ اسی لئے یہ جملہ معروف ہے کہ اسلام کی زبان عربی ہے۔ کسی بھی زبان پر عبور حاصل کرنے کے لئے اس زبان کو پڑھنا، لکھنا، بولنا اور سن کر سمجھ پانا ضروری ہے۔ دینی علوم کے طلبہ کے لئے عربی زبان میں بول چال کو سیکھنا لازمی ہے تاکہ وہ عربی مکالمہ کے ہنر سے بہرہ مند ہو سکیں۔ اسی ضرورت کو پورا کرنے کے لئے "مکالمہ عربی" کا کورس شروع کیا گیا ہے، تاکہ طلبہ کو ہر ٹرم میں یہ درس فراہم کیا جا سکے۔ مولف کتاب کے بارے میں: اس کتاب کے مولفین عبدالامیر الوردی اور سعد الزبیدی ہیں۔ یہ کتاب طلبہ کو عربی زبان میں بات چیت کرنے کی مہارتیں فراہم کرنے کے لئے بہترین ذریعہ ہے۔